د رحم فایبرویډونه

د رحم فایبرویډونه (Uterine Fibroids)
د رحم فایبرویډونه، چې (Leiomyoma) هم بلل کېږي، د ښځو په منځ کې یو له ډېرو عامو خو غیرسرطاني تومورونو څخه دي. دا تومورونه د رحم په عضلاتي دیوال کې وده کوي او د اندازې له مخې کوچني یا لوی کېدای شي.
فایبرویډونه د ۱۶ کلنۍ نه تر ۶۰ کلنۍ پورې ښځې اغېزمنولی شي. ځینې ښځې هېڅ نښې نه احساسوي، خو ځینې نورې بیا د درد، درنې میاشتنۍ وینې او د نس د پړسوب ستونزې لري.
ولې فایبرویډونه رامنځته کېږي؟
#د فایبرویډونو کره لامل لا تر اوسه روښانه نه دی، خو لاندې عوامل د دې ناروغۍ خطر زیاتوي
•زیات وزن (چاغښت)
•د امیندوارۍ نشتوالی
• کورنی یا فامیلي تاریخچه (Genetic عوامل)
•د ویټامین D کمښت
•د الکولو زیات استعمال
•د پروجېسټېرون هورمون کمښت
#د فایبرویډونو درملنه:
په ډېرو مواردو کې فایبرویډونه کوچني وي او ځانګړې درملنې ته اړتیا نه لري. خو که دا تومورونه لوی شي او د ژوند کیفیت خراب کړي، نو لاندې درملنې ترسره کېدای شي:
۱-د درملو له لارې هورموني توازن ساتل
۲-جراحي (Myomectomy) د فایبرویډونو د لرې کولو لپاره ،او په جدي حالاتو کې د رحم بشپړ ایستل (Hysterectomy)، څو ناروغي بیا تکرار نه شي
مهمه سپارښتنه:
که د نس دوامدار درد، درنه وینه، یا د مثانې او کولمو فشار احساسوئ، نو ډاکټر ته حتمي ورشئ. وختي تشخیص د فایبرویډونو په کنټرول کې ډېره مرسته کوي.
نوټ:فایبرویډونه د ډار وړ نه دي، خو پاملرنه او منظم روغتیایي معاینه کول ستاسو د سلامتۍ تضمین کوي.