د کابل سلګونو اوسېدونکو د پاکستان بريدونه وغندل او له افغان ځواکونو يې ملاتړ اعلان کړ
کابل (پژواک، ۱۵ کب ۱۴۰۴): د کابل ښار سلګونو اوسېدونکو پر افغانستان د پاکستان پوځي رژیم بریدونه وغندل او له افغان ځواکونو یې خپل ملاتړ اعلان کړ.
د پاکستان پوځي رژیم د تېرې یکشنبې په شپه (د کب دویمه) د افغانستان حریم نقض کړ، په ننګرهار او پکتیکا کې یې پر ملکي سیمو بریدونه وکړل او دغه بریدونه لا هم دوام لري. افغان ځواکونو هم د کب له اتمې راهیسې د پاکستان پر پوځي تاسیساتو بریدونه پیل کړي دي.
چارواکي وایي، په دغو بریدونو کې پاکستاني لوري ته درنه مرګژوبله اوښتې ده.
نن د کابل ښار په عیدګاه جومات کې د زرګونو کسانو له خوا اعتراضیه غونډه ترسره شوه او پر افغانستان يې د پاکستان پوځي رژیم بریدونه په کلکو ټکو وغندل.
په یاده غونده کې د کابل ښار د ټولو ناحیو د وکیلانو شورا رییس احمدشاه الکوزي وویل چې د پاکستان پوځي رژیم پر افغانستان تېری کړی او دوی یې غندي.
هغه زیاته کړه: «موږ د کابل ټول ښاریان د اسلامي امارت ترڅنګ ولاړ یو او د خپلې خاورې دفاع کوو، زموږ په وجود کې چې یوه قطره وينه هم وي، د وطن د دفاع لپاره یې ورکوو.»
د ده په خبره، که د اسلامي امارت مشرتابه امر وکړي، دوی جنګ ته ځي او له امنيتي ځواکونو سره اوږه په اوږه جنګېږي.
نوموړي له نړۍوالې ټولنې غوښتنه وکړه چې د پاکستان د پوځي رژیم د دغه عمل مخنیوی دې وکړي.
قومي مشر مولوي سمیعالله وویل، د پاکستان پوځي رژیم ځکه پر افغانستان تېرې کوي چې د دغه هېواد سوکالي او پرمختګ ورته د زغملو نه دي.
هغه وویل: «د پاکستان دغه کړنې د نړۍوالو قوانینو او اسلام خلاف دي، دوی دې اسلام ته مراجعه وکړي چې په اسلام کې ګاونډی څومره حقوق لري، پاکستان نه يوازې د افغانستان، بلکې د ټولې منځنۍ اسیا لپاره سرطان دی.»
نوموړی وایي، دوی د پاکستان پوځي رژیم پر وړاندې د اسلامي امارت ترڅنګ ولاړ دي.
د یادې غونډې بل کډونوال محمد داوود وویل چې دوی له اسلامي امارت سره د پاکستان پر وړاندې د جګړې لپاره ولاړ دي.
هغه وویل: «که اسلامي امارت اجازه راکړي، اته زامن لرم، ټول د خپلې خاورې د دفاع لپاره جنګ ته ځي.»
د هغه په خبره، ټول هېوادونه او نړۍواله ټولنه د پاکستان دغه عمل ګوري خو سترګې یې پرې پټې کړې دي.
زموږ انګلیسي ویبپاڼه:
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.